Biznis la cho Ayiti!!!

Kalkil la senp, si ou ta gen yon ti kòb ou ta vle envesti nan peyi Ayiti, kote ki pi si a se ta Palman an. Mwen vle di,  pou ta eseye vi n swa senatè swa depite, epi ou poze. An deyò de tout avantaj bann mesye pa itil sa yo genyen, peryòd lamwason mesye sa yo se lè yap jete oubyen yap mete yon premye minis. Se youn nan rezon ki fè anpil moun ankouraje anile pòs premye minis la….Si se sa vre  ki ta solisyon an, fòk yo ta anile palman tou….epi yo tap anile pòs prezidan an….epi .. epi yo tap tou fèmen peyi a tou…..

Paske yo di peyi a ap soufri anba pye PPP oubyen 3 P: Prezidans, Primati, Palman. Mwen panse nou bezwen refè règ jwèt politik la. Sa vle di mete lòd ak lajistis tout kote. Fouke ak mete nan prizon tout magouyè, tout dwèt siperyè…jije, fizye sak pou fizye…Lè sa nap koumanse wè peyi a mache….Tout tan pa gen egzanp ki trase …nou fenk koumanse ap make pa sou plas. Sa w wè?

Urbain Joseph